Տան իրերի տեղափոխում

Մենք հնարավորություն ունենք տեղափոխելու տան պարագաներ “դռնից դուռ”՝ ստանձնելով դրա հետ կապված բոլոր հոգսերը: Այն ներառում է փաթեթավորումը և ապահովագրությունն ընդհուպ մինչև մաքսային ձևակերպումները թե՛ արտահանելիս, և թե՛ ներմուծելիս, ինչպես նաև փաթեթավորման բացում:

Համագործակցելով տարբեր ծովային ուղիների և ավիաուղիների հետ` մենք ապահովում ենք արագ, ճշգրիտ և շահավետ առաքում: Ըստ պահանջի ընկերության ներկայացուցիչը կարող է անձամբ զննել բեռը պատվիրատուի տանը ու անվճար հաշվարկել բեռի մոտավոր ծավալը և փաթեթավորման աշխատանքների արժեքը: Այնուհետև կներկայացվի տեղափոխման նախագիծ և կտրամադրվի ստույգ տեղեկություն փաթեթավորման, ապահովագրության և բեռնափոխադրման ծախսերի մասին:

Մենք կարող ենք աջակցել նաև բեռների պահեստավորմանը և պահպանմանը` ապահովելով բարձրակարգ անվտանգություն մեկնելուց առաջ կամ ժամանելուց հետո: